ຂໍ້ກຳນົດ ເເລະ ເງື່ອນໄຂໃນການຂົນສົ່ງ
ສິ່ງທີ່ທ່ານຄວນຮູ້ກ່ອນໃຊ້ບໍລິການ: |
| - ຄ່າບໍລິການເລີ່ມຕົ້ນ 6,500 ກີບ ສຳຫຼັບສົ່ງຕ່າງແຂວງ
ຝາກມື້ນີ້ເຖິງມື້ອື່ນ: |
| - ຄ່າບໍລິການ 5,000 ກີບ ໃນນະຄອນຫຼວງວຽງຈັນ ສົ່ງພາຍໃນວັນ |
| - ສຳຫຼັບເຂດຫ່າງໄກໃນເມືອງ: ເພີ່ມ 5,000 ກີບ/ພັດສະດຸ
ລາຍຊື່ເຂດຫ່າງໄກລຸ່ມນີ້: |
| - ຄ່າຮັບເຄື່ອງເຖິງທີ່: ຟຣີ |
| - ບໍລິສັດຈະຮັບປະກັນທົດແທນຄວາມເສຍຫາຍຂອງສິນຄ້າມູນຄ່າບໍ່ເກີນ 500,000 ກີບ/ພັດສະດຸເທົ່ານັ້ນ |
1. ການຫຸ້ມຫໍ່ພັດສະດຸທີ່ເຫມາະສົມ |
| 1.1.ປະເພດຖົງຢາງພາສຕິກ ຫລື ຖົງພາສຕິກທີ່ມີກາວຕິດປາກຖົງ: ເຫມາະສຳຫລັບພັດສະດຸປະເພດແຜ່ນແພ,ເສື້ອຜ້າທີ່ມີຄວາມອ່ອນນຸ້ມທີ່ບໍ່ສ່ຽງຕໍ່ການເສຍຊົງເວລາຖືກພັບ ຫລື ເຕັງເວລາຂົນສົ່ງ ເເລະ ຄວນປິດປາກຖົງໃຫ້ສະຫນິດທຸກຄັ້ງ. |
| 1.2 ປະເພດກ່ອງເຈ້ຍເຫມາະສຳຫລັບສິນຄ້າປະເພດທີ່ຕ້ອງໄດ້ຮັກສາເປັນພິເສດ ເເລະ ສິນຄ້າທີ່ສ່ຽງຕໍ່ການແຕກຫັກ,ເປ່ເພ,ເສຍຫາຍງ່າຍ, ເເລະ ຄວນຫຸ້ມຫໍ່ໂຟມກັນກະທົບອີກຊັ້ນເພື່ອປ້ອງກັນການກະທົບກະເເທກໃນເວລາຂົນສົ່ງສິນຄ້າທີ່ອາດເຮັດໃຫ້ເກີດຄວາມເສຍຫາຍໄດ້ງ່າຍ. |
2. ຄຳຈຳກັດຄວາມ |
| ຄຳສັບຕໍ່ໄປນີ້ທີ່ໃຊ້ໃນຂໍ້ຕົກລົງ ເເລະ ເງື່ອນໄຂຈະມີຄວາມຫມາຍຕາມທີ່ກຳຫນົດໄວ້ດ້ານລຸ່ມ ເວັ້ນເສຍເເຕ່ວ່າລະບຸໄວ້ເປັນຢ່າງອື່ນ |
| 2.1. “ເຮົາ” “ພວກເຮົາ” ຫລື “ຂອງເຮົາ” ໝາຍເຖິງ ບໍລິສັດ ອານຸສິດ ໂລຈິສຕິກ ຈຳກັດ ພະນັກງານ ຜູ້ຮັບເຫມົາຊ່ວງ ຫລື ໂຕເເທນ |
| 2.2. “ທ່ານ” ຫລື “ຂອງທ່ານ” ໝາຍເຖິງຜູ້ສົ່ງສິນຄ້າ ຜູ້ສົ່ງເຄື່ອງ ເເລະ ມີຊື່ເປັນຜູ້ສົ່ງສິນຄ້າໃນໃບນຳສົ່ງສິນຄ້າ |
| 2.3. “ຜູ້ສົ່ງສິນຄ້າ” ໝາຍເຖິງບຸກຄົນທີ່ມີຊື່ເປັນຜູ້ສົ່ງສິນຄ້າໃນໃບນຳສົ່ງສິນຄ້າ |
| 2.4. “ຜູ້ສົ່ງ” ໝາຍເຖິງບຸກຄົນທີ່ສົ່ງພັດສະດຸເເກ່ເຮົາ ຜູ້ສົ່ງອາດບໍ່ເເມ່ນຜູ້ສົ່ງສິນຄ້າ |
| 2.5. “ຜູ້ຮັບມອບ” ໝາຍເຖິງບຸກຄົນທີ່ມີຊື່ເປັນຜູ້ຮັບມອບໃນໃບນຳສົ່ງສິນຄ້າ |
| 2.6. “ຜູ້ຮັບ” ໝາຍເຖິງບຸກຄົນ ຫລື ຜູ້ຮັບພັດສະດຸ ເຂົາ / ລາວ ອາດເປັນຜູ້ຮັບມອບເອງ ຫລື ບຸກຄົນອື່ນ ນະທີ່ຢູ່ຂອງຜູ້ຮັບມອບ ຫລື ສຳນັກງານບໍລິຫານ / ນິຕິບຸກຄົນ ຕາມທີ່ຢູ່ຂອງຜູ້ຮັບມອບ |
| 2.7. “ພັດສະດຸ” ໝາຍເຖິງບັນຈຸພັນ / ຫຸ້ມຫໍ່ ທັງຫມົດທີ່ສົ່ງໃຫ້ເເກ່ ເເລະ ຮັບໂດຍເຮົາເພື່ອການຂົນສົ່ງພາຍໃຕ້ຫນື່ງໃບນຳສົ່ງສິນຄ້າ |
| 2.8. “ໃບນຳສົ່ງສິນຄ້າ” ໝາຍເຖິງໃບກາຕຣາສົ່ງ ຫລື ເອກະສານອື່ນທີ່ທຽບເທົ່າໃນຮູບເເບບກະດາດ ຫລື ເອເລັກໂທຣນິກທີ່ກ່ຽວຂ້ອງກັບພັດສະດຸ |
| 2.9. “ຂໍ້ຕົກລົງ ເເລະ ເງື່ອນໄຂ” ໝາຍເຖິງຂໍ້ຕົກລົງ ເເລະ ເງື່ອນໄຂມາດຕະຖານເຫລົ່ານີ້ ລວມເຖີງທີ່ໄດ້ຮັບການເເກ້ໄຂ ຫລື ເພີ່ມເຕີມໂດຍເຮົາເປັນບາງຄັ້ງຄາວ |
| 2.10. “ວັນທຳການ” ຫມາຍເຖິງວັນຈັນເຖີງວັນເສົາ ບໍ່ລວມວັນຢຸດບຸນປະເພນີ ຫລື ວັນພັກເເຫ່ງຊາດໃນປະຕິທິນເເຫ່ງ ສປປ ລາວ |
| 2.11. ການຍອມຮັບຂໍ້ຕົກລົງ ເເລະ ເງື່ອນໄຂຂອງເຮົາ |
| ເມື່ອສັ່ງຊື້ບໍລິການຂອງເຮົາ ຫລື ສົ່ງມອບສິນຄ້າໃຫ້ເຮົາທ່ານຍອມຮັບຂໍ້ກຳນົດໃນນາມຜູ້ຈັດສົ່ງ ຜູ້ມອບຮັບ ເເລະ ບຸກຄົນອື່ນໃດທີ່ມີ ຫລື ອ້າງວ່າມີສ່ວນໄດ້ເສຍກັບພັດສະດຸ ຊຶ່ງທ່ານ ເເລະ ບຸກຄົນດັ່ງກ່າວຈະຜູກພັນຕາມຂໍ້ຕົກລົງ ເເລະ ເງື່ອນໄຂ |
3. ພັດສະດຸຕ້ອງຫ້າມ |
| 3.1. ລາຍການຕໍ່ໄປນີ້ຖືກເປັນພັດສະດຸຕ້ອງຫ້າມ ເເລະ ທ່ານທີ່ຈະບໍ່ສົ່ງາສິນຄ້າໃດໆ ຕໍ່ໄປນີ້ເປັນພັດສະດຸ |
| 3.1.1. ສິນຄ້າຜິດກົດຫມາຍ ຫລື ຕ້ອງຫ້າມຕາມກົດຫມາຍ ເເລະ ຂໍ້ບັງຄັບທີ່ກ່ຽວຂ້ອງ |
| 3.1.2. ສິນຄ້າອັນຕະລາຍລວມເຖີງສິນຄ້າສ່ຽງອັນຕະລາຍ ຫລື ເປັນພິດ ພັດສະດຸລະເບີດ ອາວຸດ ຫລື ປືນ |
| 3.1.3. ເເບັດເຕີລີ່ລົດທຸກຊະນິດປະເພດໃຊ້ງານເເລ້ວ |
| 3.1.4. ຢາສູບທຸກຊະນິດ ຢາສູບເອເລັກໂທນິກ ເເລະ ຜະລິດຕະພັນທີ່ກ່ຽວຂ້ອງ |
| 3.1.5. ເຄື່ອງດື່ມເອກໍຮໍ |
| 3.1.6. ທະນະບັດ ເງິນສົດ ເເລະ ເອກະສານທຽບເທົ່າ |
| 3.1.7. ບັດເຄດິດ ບັດເດບິດ ຫລື ບັດເງິນສົດ |
| 3.1.8. ເອກະສານສ່ວນບຸກຄົນທີ່ອອກໂດຍຫນ່ວຍງານລັດທະບານ ເຊັ່ນ ບັດປະຈຳຕົວ ຫນັງສືຜ່ານເເດນ ໃບຂັບຂີ່ເປັນຕົ້ນ |
| 3.1.9. ເອກະສານທີ່ມີຂໍ້ມູນເປັນຄວາມລັບ |
| 3.1.10. ທອງເເທ່ງ ຫລື ສິນຄ້າມີຄ່າ/ເຄີ່ງມີຄ່າ |
| 3.1.11. ວັດຖຸສະສົມ ເຊັ່ນບູຮານວັດຖຸ ງານສິນ |
| 3.1.12. ພືດ |
| 3.1.13. ສັດທີ່ມີຊີວິດ |
| 3.1.14. ສາກມະນຸດ ຫລື ສັດ ຊີ້ນສ່ວນຂອງຮ່າງກາຍ ຫລື ອະໄວຍະວະ |
| 3.1.15. ອາຫານສົດ ຫລື ອາຫານດິບ |
| 3.1.16. ບັນຈຸພັນທີ່ສົ່ງກິນໃດໆເຊັ່ນ ຖົ່ວລຽນ ຫລື ຂອງບູດເນົ່າຕ່າງໆ |
| 3.1.17. ການຈັດສົ່ງໂດຍບໍບັນຈຸພັນ ຫລື ຫຸ້ມຫໍ່ທີ່ເຫມາະສົມ ຫລື ພຽງພໍ |
| 3.1.18. ພັດສະດຸກ່ອງໂຟມ |
| 3.1.19. ພັດສະດຸອາດເຮັດໃຫ້ການລ່າຊ້າ ຫລື ຄວາມເສຍຫາຍເເກ່ພັດສະດຸ ອຸປະກອນ ຫລື ບຸກຄົນອື່ນ |
| 3.1.20. ພັດສະດຸທີ່ມີຜົນລວມຂອງຄວາມຍາວ ຄວາມສູງ ເເລະ ຄວາມກວ້າງຫລາຍກວ່າ75 ຊມ ຫລື ຫນັກເກີນ5 ກກ ຫລື |
| 3.1.21. ພັດສະດຸທີ່ຕ້ອງໃຊ້ການໃຫ້ເຮົາໄດ້ຮັບອະນຸຍາດພິເສດໃບອະນຖຍາດສຳຫລັບການຂົນສົ່ງ ການນຳເຂົ້າ ຫລື ສົ່ງອອກ |
| 3.2. ເເມ່ນຈະມີບົດບັນຍັດອື່ນໃດເຮົາຈະບໍ່ຮັບຜິດຊອບຕໍ່ຄວາມສູນເສຍຄວາມເສຍຫາຍ ຫລື ການສົ່ງມອບລ້າຊ້າຕໍ່ລາຍການໃດໆ ທີ່ລະບຸໄວ້ຂໍ້ 3.1 |
4. ພັດສະດຸທີ່ບໍ່ສາມາດຮຽກຮ້ອງຄ່າເສຍຫາຍໄດ້ |
| 4.1. ເຮົາອາດຍອມຮັບລາຍການດັ່ງຕໍ່ໄປນີ້ພາຍໃຕ້ເງື່ອນໄຂບາງປະການ ເເຕ່ເງື່ອນໄຂການຮຽກຮ້ອງກໍ່ເເຕກເເຕກຕ່າງຈາກປົກະຕິ |
| 4.1.1. ອາຫານເເຫ້ງ ລູກອົມ ຊັອກໂກເເລັດ |
| 4.1.2. ອາຫານທີ່ເນົ່າເປື່ອຍໃນບັນຈຸພັນທີເຫມາະສົມ |
| 4.1.3. ບັດຄຸປອງ ບັດຊິງໂຊກ ບັດຂອງຂວັນ |
| 4.1.4. ເອກະສານ ໃບເເຈ້ງຫນີ້ ໃບບິນຮັບເງິນ |
| 4.1.5. ຜະລິດຕະພັນທີ່ເປັນຂອງເເຫຼວ ເຊັ່ນ ນ້ຳ ນ້ຳມັນ ຄີມ ເຊລ່ຳ ເຈວ ເເລະ ອື່ນໆ |
| 4.1.6. ເເບັດເຕີຣີ່ລົດຍົນ / ລົດຈັກ |
| 4.1.7. ປະເພດແກ້ວຕ້ອງຫຸ້ມຫໍ່ໃຫ້ດີ (ທາງບໍລິສັດຈະບໍ່ຮັບປະກັນຖ້າຫາກແຕກຫັກ) |
5. ການຮັບປະກັນ ເເລະ ການຊົດໃຊ້ຄ່າເສຍຫາຍຂອງຜູ້ສົ່ງສິນຄ້າ |
| 5.1. ຜູ້ສົ່ງສິນຄ້າຕ້ອງຊົດໃຊ້ຄ່າເສຍຫາຍ ເເລະ ເຮັດໃຫ້ເຮົາບໍ່ເປັນອັນຕະລາຍຈາກຄວາມສູນເສຍ ຫລື ຄວາມເສຍຫາຍທີ່ເກີດຂື້ນຈາກການທີ່ຜູ້ສົ່ງສິນຄ້າບໍ່ປະຕິບັດຕາມການຮັບປະກັນຕໍ່ໄປນີ້ |
| 5.1.1. ພັດສະດຸບໍ່ເເມ່ນລາຍການທີ່ລະບຸໄວ້ໃນຂໍ້ 3.1 |
| 5.1. ຜູ້ສົ່ງສິນຄ້າຕ້ອງຊົດໃຊ້ຄ່າເສຍຫາຍ ເເລະ ເຮັດໃຫ້ເຮົາບໍ່ເປັນອັນຕະລາຍຈາກຄວາມສູນເສຍ ຫລື ຄວາມເສຍຫາຍທີ່ເກີດຂື້ນຈາກການທີ່ຜູ້ສົ່ງສິນຄ້າບໍ່ປະຕິບັດຕາມການຮັບປະກັນຕໍ່ໄປນີ້ |
| 5.1.3. ຜູ້ສົ່ງສິນຄ້າປະຕິບັດຕາມກົດຫມາຍ ເເລະ ຂໍ້ບັງຄັບຂອງກົມພາສີອາກອນ ການນຳເຂົ້າ ການສົ່ງອອກ ເເລະ ອືື່ນໆ ທີ່ໃຊ້ບັງຄັບທັງຫມົດ |
| 5.1.4. ພັດສະດຸຖືກບັນຈຸຢ່າງພຽງພໍ ເເລະ ເຫມາະສົມເພື່ອປ້ອງກັນຄວາມເສຍຫາຍໃນລະຫວ່າງການຈັດສົ່ງ |
| 5.2. ຜູ້ສົ່ງສິນຄ້າຈະຕ້ອງຕະຫນັກວ່າ ໃນກໍລະນີທີ່ເກີດການສູນເສຍ ຫລື ຄວາມເສຍຫາຍ ຄ່າຂໍຊົດໃຊ້ຄ່າເສຍຫາຍອາດບໍ່ໄດ້ຮັບການພິດຈາລະນາຖ້າພັດສະດຸເປັນລາຍການທີ່ລະບຸໄວ້ໃນຂໍ້ 4 |
| 5.3. ຜູ້ສົ່ງສິນຄ້າຕ້ອງລະບຸຂໍ້ມູນທີ່ຖືກຕ້ອງໃນໃບນຳສົ່ງສິນຄ້າ ລວມເຖິງເເຕ່ບໍ່ຈຳກັດພຽງພໍ |
| 5.3.1. ຊື່ ທີ່ຢູ່ຂອງຜູ້ສົ່ງສິນຄ້າ ເເລະ ຫມາຍເລກຕິດຕໍ່ |
| 5.3.2. ຊື່ ທີ່ຢູ່ຜູ້ຂອງຜູ້ຮັບມອບ ເເລະ ຫມາຍເລກໂທລະສັບ |
| 5.3.3. ຂໍ້ມູນຂອງພັດສະດຸເຊັ່ນ ຈຳນວນເເພັດເກັດ ມູນຄ່າທີ່ລະບຸ ຈຳນວນເອີ້ນເກັບປາຍທາງ(COD)ຖ້າມີ |
| 5.3.4. ປະເພດຂອງບໍລິການ |
| 5.3.5. ຄຳເເນະນຳພິເສດອື່ນໆ(ຖ້າມີ) |
| 5.4. ດ້ວຍເຫດຜົນດ້ານຄວາມປອດໄພ ຜູ້ສົ່ງຈະຕ້ອງເເນບເອກະສານປະຈຳຕົວສ່ວນບຸກຄົນເຊັ່ນ ບັດປະຈຳໂຕ ຫລື ຫນັງສືຜ່ານເເດນ ໃຫ້ກັບພະນັກງານຂອງເຮົາເພື່ອບັນທືກ(ປັດຈຸບັນຍັງບໍທັນບັງຄັບໃຊ້) |
| 5.5. ພັດສະດຸທີ່ຄ້າງສາງເກີນ 7 ວັນຜູ້ສົ່ງຕ້ອງເສຍຄ່າຝາກສາງວັນລະ 1,000 ກີບ ແລະ ຝາກສາງບໍ່ເກີນ 14 ວັນ |
| 5.6. ຜູ້ສົ່ງຕ້ອງຮັບຜີດຊອບຄ່າຂົນສົ່ງທັງໝົດໃນກໍລະນີທີ່ໃຫ້ເກັບຄ່າຂົນສົ່ງກັບຜູ້ຮັບປາຍທາງແຕ່ບໍ່ສາມາດຈັດສົ່ງສຳເລັດໄດ້ |
6. ການຈັດສົ່ງພັດສະດຸ |
| 6.1. ການຈັດສົ່ງຈະຖືວ່າເສັດສີ້ນເມື່ອພັດສະດຸຖືກສົ່ງໄປຍັງທີ່ຢູ່ຂອງຜູ້ຮັບມອບຊື່ລະບຸໄວ້ໃນໃບນຳສົ່ງສິນຄ້າເເຕ່ບໍ່ຈຳເປັນຕ້ອງມີຊື່ຜູ້ຮັບມອບຢູ່ |
| 6.2. ພັດສະດຸບໍ່ສາມາດສົ່ງໄປຍັງຕູ້ໄປສະນີ ຫລື ລະຫັດໄປສະນີ |
| 6.3. ຖ້າຜູ້ຮັບມອບບໍ່ພ້ອມຮັບພັດສະດຸຕາມທີ່ຢູ່ ເຮົາອາດຈັດສົ່ງໃຫ້ບຸກຄົນອື່ນ ນະທີ່ຢູ່ຂອງຜູ້ຮັບມອບ (ເຊັ່ນເພື່ອນຮ່ວມງານ ສະມາຊິກໃນຄອບຄົວ ໆລໆ)ພັດສະດຸທີ່ຖືກສົ່ງໄປຍັງທີ່ຢູ່ຊຶ່ງມີພື້ນທີ່ຮັບເຄື່ອງສ່ວນກາງ ອາດຖືກສົ່ງໄປຍັງພື້ນທີ່ດັ່ງກ່າວ ເຊັ່ນ ສຳນັກງານນິຕິບຸກຄົນ ສຳນັກງານບໍລິຫານ ຝ່າຍຕ້ອນຮັບ ນະທີ່ຢູ່ຂອງຜູ້ຮັບມອບ ເພື່ອຄວາມປອດໄພຂອງພັດສະດຸເຮົາຈະບໍ່ຈັດສົ່ງພັດສະດຸໄປຍັງສະຖານທີ່ຊຶ່ງບໍ່ມີຜູ້ຮັບເເມ່ນຈະໄດ້ຮັບການຮ້ອງຂໍຈາກຜູ້ສົ່ງສິນຄ້າ / ຜູ້ຮັບມອບ |
| 6.4. ເຮົາຈະບໍ່ສົ່ງມອບພັດສະດຸໄປຍັງທີ່ຢູ່ອື່ນນອກເຫນືອຈາກທີ່ຢູ່ຂອງຜູ້ຮັບມອບຊຶ່ງລະບຸໄວ້ໃນໃບນຳສົ່ງສິນຄ້າ ເວັ້ນເສຍເເຕ່ຈຳໄດ້ຮັບຄຳເເນະນຳຈາກຜູ້ສົ່ງສິນຄ້າ ຜູ້ຮັບມອບຈະຕ້ອງຕິດຕໍ່ຫາຜູ້ສົ່ງສິນຄ້າ ເພື່ອຂໍຂໍ້ມູນດັ່ງກ່າວ |
7. ຫລັກຖານການຈັດສົ່ງ |
| 7.1. ຈຳເປັນຕ້ອງມີລາຍເຊັນຈາກຜູ້ຮັບມອບເພື່ອເປັນຫລັກຖານການຈັດສົ່ງ |
| 7.2. ໃນກໍລະນີທີ່ຜູ້ຮັບບໍ່ເເມ່ນຜູ້ຮັບມອບ ຜູ້ຈັດສົ່ງຂອງເຮົາຈະພະຍາຍາມຢືນຢັນຕົວຕົນຂອງຜູ້ຮັບຢ່າງສົມເຫດສົມຜົນຈຳເປັນຕ້ອງມີລາຍເຊັນຂອງຜູ້ຮັບດັ່ງກ່າວເພື່ອເປັນຫລັກຖານການຈັດສົ່ງ |
| 7.3. ໃນກໍລະນີພິເສດທີ່ບໍ່ສາມາດລົງລາຍມືຊື່ໄດ້ ຜູ້ຈັດສົ່ງຂອງເຮົາຈະຂຽນເປັນຫມາຍເຫດໄວ້ ບາງຄັ້ງບໍ່ສາມາດລົງລາຍມືຊື່ໄດ້ດ້ວຍເຫດຜົນຫລາຍປະການ |
8. ການຈັດສົ່ງບໍ່ສຳເລັດ |
| 8.1. ອາດເກີດການຈັດສົ່ງບໍ່ສຳເລັດໄດ້ຈາກເຫດຜົນດັ່ງກ່າວເຊັ່ນ |
| 8.1.1. ຜູ້ຮັບມອບປະຕິເສດການຈັດສົ່ງ ຫລື ຈ່າຍເງິນເອີ້ນເກັບປາຍທາງ |
| 8.1.2. ບໍ່ສາມາດລະບຸ ຫລື ບອກຕຳເເຫນ່ງຂອງຜູ້ຮັບມອບໄດ້ຢ່າງສົມເຫດສົມຜົນ |
| 8.1.3. ບໍ່ມີບຸກຄົນເຫມາະສົມລໍຖ້າຮັບພັດສະດຸຕາມທີ່ຢູ່ຂອງຜູ້ຮັບມອບ |
| 8.1.4. ພັດສະດຸລໍຖ້າການດຳເນີນການຈາກຜູ້ຮັບຮັບມອບ(ເຊັ່ນ ໂທກັບເພື່ອຢືນຢັນການຈັດສົ່ງ ຮັບພັດສະດຸທີ່ຈຸດບໍລິການຂອງເຮົາ ເລື່ອນການຈັດສົ່ງເປັນຕົ້ນ) |
| 8.2. ປະມານວັນທີຈັດສົ່ງ ກໍລະນີທີ່ການຈັດສົ່ງບໍ່ສຳເລັດໃນຄັ້ງເເລກ ເຮົາຈະພາຍາຍາມຈັດສົ່ງໃຫ້ອີກຄັ້ງຫນື່ງ ພາຍໃນ 2 ວັນທຳການພາຍໃນ 7 ວັນທຳການຖັດໄປໂດຍບໍ່ມີຄ່າໃຊ້ຈ່າຍເພີ່ມເຕີມ (ເຊັ່ນ ພະຍາຍາມຈັດສົ່ງສູງສຸດ 3 ຄັ້ງ) |
| 8.3. ຖ້າເຮົາເຊື່ອວ່າຂໍ້ມູນຂອງຜູ້ຮັບມອບຈາກຜູ້ສົ່ງສິນຄ້າບໍ່ຖືກຕ້ອງ ຫລື ບໍ່ສົມບູນ ເຮົາຈະພັກພັດສະດຸໄວ້ ເເລະ ຂໍຄຳເເນະນຳເພີ່ມເຕີມຈາກຜູ້ສົ່ງສິນຄ້າ |
9. ການຈັດສົ່ງລ້າຊ້າ |
| 9.1. ການຈັດສົ່ງລ້າຊ້າ ໝາຍເຖິງການຈັດສົ່ງທີ່ເສັດສີ້ນເເລ້ວ ຊຶ່ງໃຊ້ເວລາເກີນກວ່າວັນທີ່ຈັດສົ່ງໂດຍປະມານ ວັນທີ່ຈັດສົ່ງທີ່ກຳຫນົດເປັນພຽງການປະມານເທົ່ານັ້ນ ເເລະ ບໍ່ມີການຮັບປະກັນ |
| 9.2. ຂະນະທີ່ເຮົາພະຍາຍາມສົ່ງມອບສົ່ງມອບພັດສະດຸຢ່າງເຫມາະສົມຕາມຕະລາງເວລາການຈັດສົ່ງພັດສະດຸ ເເລະ ເຮົາບໍ່ຮັບຜິດຊອບຕໍ່ຄວາມເສຍຫາຍໂດຍຕົງ ຫລື ໂດຍອ້ອມທີ່ເກີດຈາກຄວາມລ້າຊ້າໃນການຈັດສົ່ງ |
10. ພັດສະດຸທີ່ບໍ່ໄດ້ສົ່ງມອບ ເເລະ ການສົ່ງຄືນພັດສະດຸ |
| 10.1. ຈະຖືວ່າພັດສະດຸນັ້ນຍັງ “ບໍ່ໄດ້ຮັບການສົ່ງມອບ” ໃນບາງກໍລະນີເຊັ່ນ |
| 10.1.1. ການຈັດສົ່ງຊ້ຳບໍ່ສຳເລັດ |
| 10.1.2. ບໍ່ສາມາດຈັດສົ່ງພັດສະດຸໄດ້ພາຍໃນ 7 ວັນທຳການຕາມປະມານວັນທີ່ຈັດສົ່ງ |
| 10.1.3. ຜູ້ສົ່ງສິນຄ້າບໍ່ສາມາດໃຫ້ຄຳເເນະນຳເພີ່ມເຕີມຕາມຄຳຂໍຂອງເຮົາ ຫລື |
| 10.1.4. ຜູ້ສົ່ງສິນຄ້າຂໍຍົກເລີກການຈັດສົ່ງ ເເລະ / ຫລື ສົ່ງຄືນພັດສະດຸດ້ວຍເຫດຜົນໃດໆກໍ່ຕາມ |
| 10.2. ພັດສະດຸທີ່ບໍ່ໄດ້ສົ່ງມອບຈະຖືກສົ່ງກັບໄປໃຫ້ຜູ້ສົ່ງສິນຄ້າໂດຍຜູ້ສົ່ງສິນຄ້າຈະເປັນຜູ້ຮັບຄ່າໃຊ້ຈ່າຍ ຫາກບໍ່ມີຜູ້ຮັບເຮົາຈະທຳການປ່ອຍພັດສະດຸ ຈຳຫນ່າຍ ຫລື ຂາຍໂດຍບໍ່ຕ້ອງຮັບຜິດໃດໆ ຕໍ່ຜູ້ສົ່ງສິນຄ້າ ຫລື ບຸກຄົນອື່ນ ໂດຍເງິນທີ່ໄດ້ນຳໄປໃຊ້ກັບຄ່າບໍລິການ ເເລະ ຄ່າໃຊ້ຈ່າຍໃນການບໍລິຫານ ເເລະ ດຸນຍອດຂາຍທີ່ຈະຕ້ອງຄືນຜູ້ສົ່ງສິນຄ້າ(ຖ້າມີ) |
| 10.3. ບໍ່ສາມາດຂໍຄືນຄ່າທຳນຽມການຈັດສົ່ງທັ້ງຫມົດ ເເລະ ຄ່າໃຊ້ຈ່າຍອື່ນທີ່ຈ່າຍເພື່ອສົ່ງພັດສະດຸໄດ້ |
| 10.4. ພັດສະດຸອາດຖືກສົ່ງໄປຍັງທີ່ຢູ່ຂອງຜູ້ສົ່ງສິນຄ້າໂດຍຕົງ ຫລື ໄປຍັງຈຸດບໍລິການຂອງເຮົາເຊີ່ງຜູ້ສົ່ງສິນຄ້າເປັນຄົນກຳຫນົດໄປຮັບ |
| 10.5. ຖ້າຈະສົ່ງພັດສະດູທີ່ສົ່ງຄືນເເລ້ວໄປຍັງທີ່ຢູ່ຂອງຜູ້ສົ່ງສິນຄ້າ ຕ້ອງປະຕິບັດຕາມຂໍ້ກຳນົດຂໍ້ 6 ເຖີງຂໍ້ 9 |
| 10.6. ຖ້າຈະຮັບພັດສະດຸທີ່ສົ່ງຄືນນະຈຸດບໍລິການທີ່ຜູ້ສົ່ງສິນຄ້າກຳຫນົດເຮົາຈະຕິດຕໍ່ຜຸ້ສົ່ງໃນວັນທີພັດສະດຸມາເຖິງ ເເລະ ຜູ້ສົ່ງສິນຄ້າຈະຕ້ອງໄປຮັບພັດສະດຸດັ່ງກ່າວພາຍໃນ 7 ວັນທຳການ ຫາກບໍ່ມີຜູ້ຮັບເຮົາຈພທຳການປ່ອຍພັດສະດຸ ຈຳຫນ່າຍ ຫລື ຂາຍໂດຍບໍ່ຕ້ອງຮັບຜິດຊອບໃດໆ ຕໍ່ຜູ້ສົ່ງສິນຄ້າ ຫລື ບຸກຄົນອື່ນໂດຍບໍ່ຕ້ອງເເຈ້ງໃຫ້ຊາບລ່ວງຫນ້າ ໂດຍເງິນທີ່ໄດ້ນຳໄປໃຊ້ກັບຄ່າບໍລິການ ເເລະ ຄ່າໃຊ້ຈ່າຍໃນການບໍລິຫານ ເເລະ ດຸນຍອດຂາຍທີ່ຈະຕ້ອງຄືນຜູ້ສົ່ງສິນຄ້າ(ຖ້າມີ) |
11. ຄ່າຈັດສົ່ງ ເເລະ ຄ່າໃຊ້ຈ່າຍອື່ນໆ |
| 11.1. ຜູ້ສົ່ງສິນຄ້າຈະຕ້ອງເປັນຜູ້ຊຳລະຄ່າທຳນຽມການຈັດສົ່ງ |
| 11.2. ນອກຈາກນີ້ຍັງມີຄ່າໃຊ້ຈ່າຍອື່ນໆເຊັ່ນ ຄ່າປະກັນໄພ ຄ່າຄືນພັດສະດຸ ຄ່າບໍລິການດ່ວນພິເສດ ເເລະ ອື່ນໆ ໃນການຈັດສົ່ງພັດສະດຸ ຄ່າໃຊ້ຈ່າຍທັ້ງຫມົດອາດມີການປ່ຽນເເປງໄດ້ໂດຍບໍ່ຕ້ອງເເຈ້ງໃຫ້ຊາບລ່ວງຫນ້າ |
12. ບໍລິການເກັບເງິນປາຍທາງ(COD) ເເລະ ຄ່າບໍລິການເກັບເງິນປາຍທາງ |
| 12.1. ຫາກທ່ານເລືອກບໍລິການເກັບເງິນປາຍທາງຜູ້ສົ່ງສິນຄ້າ ຈະຕ້ອງຊຳລະຄ່າບໍລິການເກັບເງິນປາຍທາງ ຈຳນວນເງິນສູງສຸດທີ່ເຮົາສາມາດເອີ້ນເກັບປາຍທາງໄດ້ຄື 2,000,000ລ້ານກີບ ຕໍ່ 1 ໃບນຳສົ່ງສິນຄ້າ |
| 12.2. ບໍລິການເກັບເງິນປາຍທາງບໍ່ເຮັດໃຫ້ເຮົາເປັນໂຕເເທນຂອງຜູ້ສົ່ງສິນຄ້າ ຫລື ກໍ່ໃຫ້ເກີດພາລະຜູກພັນເຮົາກັບຜູ້ຮັບມອບ |
| 12.3. ຜູ້ສົ່ງສິນຄ້າຍອມຮັບຄວາມສ່ຽງທັ້ງຫມົດທີ່ກ່ຽວຂ້ອງກັບການຊຳລະເງິນ ລວມທັ້ງການບໍ່ຊຳລະເງິນ ເງິນບໍ່ພຽງພໍ ຫລື ການປອມເເປງ |
13. ການເເກ້ໄຂທີ່ຢູ່ ເເລະ ການກຳຫນົດເສັ້ນທາງໃຫມ່ |
| 13.1. ຫາກຜູ້ສົ່ງສິນຄ້າບໍ່ສາມາດໃຫ້ທີ່ຢູ່ທັ້ງຫມົດ ຫລື ທີ່ຖືກຕ້ອງຂອງຜູ້ຮັບມອບໄດ້ ເຮົາຈະພະຍາມຄົ້ນຫາທີ່ຢູ່ທີ່ຖືກຕ້ອງ ເເລະ ສົ່ງມອບພັດສະດຸ ຫາກບໍ່ສຳເລັດ ເຮົາຈະພະຍາຍາມຕິດຕໍ່ຜູ້ສົ່ງສິນຄ້າເພື່ອຂໍຄຳເເນະນຳ ຫາກຕ້ອງການກຳຫນົດເສັ້ນທາງໃຫມ່ຫລັງຈາກຜູ້ສົ່ງສິນຄ້າລະບຸທີ່ຢູ່ທີ່ຖືກຕ້ອງໃຫມ່ອາດມີຄ່າທຳນຽມເພີ່ມເຕີມ |
| 13.2. ຫາກຜູ້ຮັບມອບຂໍປ່ຽນທີ່ຢູ່ໃນການຈັດສົ່ງຜູ້ຮັບມອບຈະຕ້ອງຕິດຕໍ່ຜູ້ສົ່ງສິນຄ້າເຊີ່ງຈຳໃຫ້ຄຳເເນະນຳໃນການກຳຫນົດເສັ້ນທາງໃຫມ່ |
| 13.3. ກຳຫນົດເສັ້ນທາງໃຫມ່ຈະຕ້ອງຊຳລະຄ່າບໍລິການເພີ່ມເຕີມ |
14. ສິດທິໃນການກວດສອບ |
| 14.1. ເຮົາຂໍສະຫງວນສິດໃນການເປີດ ເເລະ ກວດສອບພັດສະດຸໂດຍບໍ່ຕ້ອງເເຈ້ງໃຫ້ທ່ານຊາບເພື່ອຄວາມປອດໄພ ຄວາມຫມັ່ນໃຈ ກົມພາສີອາກອນ ຫລື ຕາມກົດລະບຽບ |
| 14.2. ໃນທຳນອງດຽວກັນມີໂອກາດຂອງເຈົ້າຫນ້າທີ່ຂອງລັດອາດຕ້ອງເປີດ ເເລະ ກວດສອບພັດສະດຸບາງຊີ້ນ ເຮົາຈຳເປັນຕ້ອງປະຕິບັດຕາມຄຳເເນະນຳດັ່ງກ່າວຢ່າງເຕັມທີ່ ເຊີ່ງໃນກໍລະນີນີ້ບໍ່ຈໍາເປັນຕ້ອງເເຈ້ງໃຫ້ຜູ້ສົ່ງສິນຄ້າ ຫລື ຜູ້ຮັບມອບຊາບລ່ວງຫນ້າ |
15. ຄວາມຮັບຜິດຊອບຂອງເຮົາ |
| 15.1. ຄວາມຮັບຜິດຊອບໃນພັດສະດຸໃດໆ ນັ້ນຈະຈໍາກັດພຽງການສູນເສຍ ເເລະ ຄວາມເສຍຫາຍໂດຍຕົງ ເເລະ ລວມມູນຄ່າສູງສຸດບໍ່ເກີນ 500,000ກີບ ຕໍ່ 1 ໃບນຳສົ່ງສິນຄ້າເວັ້ນເສຍເເຕ່ວ່າມີການລະບຸໄວ້ເປັນຢ່າງອື່ນໃນຂໍ້ຕົກລົງຮ່ວມກັນເປັນລາຍລັກອັກສອນລະຫວ່າງຜູ້ສົ່ງສິນຄ້າ ເເລະ ເຮົາ ເເລະ ຂື້ນຢູ່ກັບການຊຳລະເງິນຄ່າທຳນຽມປະກັນໄພຂອງຜູ້ສົ່ງສິນຄ້າ |
| 15.2. ເຮົາຈະບໍຮັບຜິດຖ້າບໍ່ປະຕິບັດຕາມຂໍ້ 1 ແລະ ພາຍໃຕ້ສະຖານະການດັ່ງຕໍ່ໄປນີ້ |
| 15.2.1. ການສູນຫາຍ ຫລື ຄວາມເສຍຫາຍຕໍ່ພັດສະດຸທີ່ບັນຈຸລາຍການດັ່ງລະບຸໄວ້ໃນຂໍ້ 3.1 |
| 15.2.2. ການສູນຫາຍ ຫລື ຄວາມເສຍຫາຍທີ່ເກີດຂື້ນຈາກການສົ່ງມອບພັດສະດຸລ່າຊ້າ |
| 15.2.3. ການສູນຫາຍ ຫລື ຄວາມເສຍຫາຍຕໍ່ພັດສະດຸເນື່ອງຈາກສະຖານະການທີ່ຢູ່ນອກເຫນືອການຄວມຄຸມຂອງເຮົາ(ເບິ່ງຂໍ້ 16) ຫລື |
| 15.2.4. ການສູນເສຍ ຫລື ຄວາມເສຍຫາຍທາງອ້ອມ ຫລື ທີ່ເປັນຜົນຈາກການກະທຳອື່ນ |
| 15.2.5. ການຜິດພາດຂອງບໍລິສັດຂົນສົ່ງອື່ນທີ່ຮັບມອບຕໍ່ຈາກເຮົາ |
| 15.3. ສິນຄ້າທີ່ຄ້າງສາງເກີນ 14 ວັນເຮົາຈະບໍ່ຮັບຜິດຊອບກັບຄວາມເສຍຫາຍໃດໆທີ່ເກີດຂຶ້ນ (ຂໍ້ 5.5) |
| 15.4. ຜູ້ສົ່ງສາມາດນຳຄືນ ຫຼື ທວງຖາມລາຍລະອຽດພັດສະດຸຍ້ອນຫຼັງຄືນໄດ້ບໍ່ເກີນ 30 ວັນຫຼັງສົ່ງມອບພັດສະດຸໃຫ້ເຮົາ |
16. ສະຖານະການນອກເຫນືອການຄວມຄຸມຂອງເຮົາ |
| 16.1. ເຮົາບໍ່ຮັບຜິດຊອບຕໍ່ຄວາມສູນເສຍ ຫລື ຄວາມເສຍຫາຍທີ່ເກີດຂື້ນຈາກສະຖານະການທີ່ຢູ່ນອກເຫນືອການຄວບຄຸມຂອງເຮົາຊຶ່ງລວມເຖີງເເຕ່ບໍ່ຈຳກັດພຽງ |
| 16.1.1. ຄວາມເສຍຫາຍຂອງຂໍ້ມູນເນື່ອງຈາກຜົນກະທົບຈາກສະຖານະການເເມ່ເຫລັກຂອງພັດສະດຸອື່ນ |
| 16.1.2. ການກະທຳ ຫລື ການລະເລີຍໂດຍບຸກຄົນທີ່ບໍ່ໄດ້ເຮັດວຽກເຮັດສັນຍາກັບເຮົາ ເຊັ່ນ ຜູ້ສົ່ງສິນຄ້າ ຜູ້ຮັບມອບ ບຸກຄົນທີ່ສາມ ເຈົ້າຫນ້າທີ່ລັດ |
| 16.1.3. ເຫດສຸດວິໃສ ເຊັ່ນ ສົງຄາມ (ທັ້ງທີ່ປະກາດ ຫລື ບໍ່ປະກາດຢ່າງເປັນທາງການ) ເຫດລະເບີດ ການໃຊ້ອາວຸດສົງຄາມ ລວມທັ້ງການຍືດພັດສະດຸ ການນັດຢຸດງານຂອງພະນັກງານ ເຫດສຸດວິໃສ(ເຊັ່ນ ນ້ຳຖ້ວມ ເເຜ່ນດິນໄຫວ ພາຍຸ ໆລໆ) |
17. ກົດຫມາຍທີ່ບັງຄັບໃຊ້ |
| ຂໍ້ຕົກລົງ ເເລະ ເງືອນໄຂຈະຢຸ່ພາຍໃຕ້ກົດຫມາຍເເຫ່ງ ສປປ ລາວ ເເລະ ຄູ່ສັນຍາທັ້ງສອງຝ່າຍຢູ່ພາຍໃຕ້ເຂດອຳນາດສານເເຫ່ງ ສປປ ລາວ ໂດຍບໍ່ອາດເຜີກເສີຍໄດ້ |