ໃນປີ 2022 ທີ່ຜ່ານມາ ບໍລິສັດ ໄດ້ມີການເພີ່ມການບໍລິການໃໝ່ເຂົ້າມາ ນັ້ນກໍຄື ການຂົນສົ່ງ ໄທ-ລາວ ທີ່ສາມາດເປີດໃຊ້ບໍລິການ ແລະ ສະໜອງຄວາມຕ້ອງການ ຂອງ ຜູ້ບໍລິໂພກ ເຊິ່ງປັດຈຸບັນນີ້ມີຫຼາຍກວ່າ 500 ສາຂາ ກວມ 148 ຕົວເມືອງທົ່ວປະເທດ ບວກກັບຄວາມຕ້ອງການ ເຮັດໃຫ້ລູກຄ້າທີ່ເພີ່ມຂຶ້ນຢ່າງຕໍ່ເນື່ອງ.
ປັດຈຸບັນ ບໍລິສັດ ອານຸສິດ ໂລຈິສຕິກ ຈຳກັດ ໄດ້ນຳໃຊ້ລະບົບອອນລາຍຢູ່ 2 ແອັບຄື: Anousith express ແລະ Easy speed, ໂດຍລະບົບອານຸສິດ ແມ່ນມີ 2 ຮູບແບບຄື: ການຝາກພັດສະດຸ ພາຍໃນແຂວງ ຫຼື ພາຍໃນວັນ (ລະບົບ Same day) ແລະ ການຝາກພັດສະດຸ ໄປຕ່າງແຂວງ (ລະບົບ Next day) ສໍາລັບແອັບ Easy speed ແມ່ນເປັນການຂົນສົ່ງດ່ວນ ພາຍໃນເວລາບໍ່ເກີນ 2 ຊົ່ວໂມງ ເຊິ່ງມີຄວາມທັນສະ ໄໝ ແລະ ວ່ອງໄວທັນໃຈແກ່ຜູ້ຊົມໃຊ້ປັດຈຸບັນ ໂດຍມີລະບົບປະຕິບັດການທີ່ສາມາດຕິດຕາມການຂົນສົ່ງແບບ Real time ບໍ່ວ່າພັດສະດຸຢູ່ໃສ ທາງຜູ້ສົ່ງ ແລະ ຜູ່ຮັບກໍຈະຮູ້ໄດ້ທັນທີ.
ນອກຈາກນີ້ ບໍລິສັດ ຍັງມີບໍລິການເກັບເງິນປາຍທາງ ຫຼື COD (cash on delivery) ເພື່ອຄວາມສະດວກສະບາຍໃຫ້ກັບລູກຄ້າອີກດ້ວຍ. ເຮົາຍັງມີລະບົບສາງເຄື່ອງເຂົ້າ-ອອກທີ່ເປັນລະບົບ ແລະ ປັດຈຸບັນບໍລິສັດ ກໍາລັງພັດທະນາລະບົບ ໂດຍກໍາລັງຈະເປີດຕົວແອບໃໝ່ໃນອານາຄົດອັນໃກ້ນີ້ຄື: ANS FULFILLMENT warehouse and packaging.
ໃນໄລຍະ 5 ປີທີ່ຜ່ານມາ ບໍລິສັດ ໄດ້ມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງໃນດ້ານການຂົນສົ່ງ ພາຍໃນ ເຊິ່ງໃນໃນປີ 2022 ທີ່ຜ່ານມາ ບໍລິສັດ ໄດ້ມີການເພີ່ມການບໍລິການໃໝ່ເຂົ້າມາ ນັ້ນກໍຄືການຂົນສົ່ງ ໄທ-ລາວ ທີ່ສາມາດເປີດໃຊ້ບໍລິການ ແລະ ສະໜອງຄວາມຕ້ອງການ ຂອງຜູ້ບໍລິໂພກ ເຊິ່ງປັດຈຸບັນນີ້ ມີຫຼາຍກວ່າ 500 ສາຂາ ກວມ 148 ຕົວເມືອງທົ່ວປະເທດ ບວກກັບຄວາມຕ້ອງການ ເຮັດໃຫ້ລູກຄ້າທີ່ເພີ່ມຂຶ້ນຢ່າງຕໍ່ເນື່ອງ.
ອີກສິ່ງໜຶ່ງນອກຈາກຈະເປັນຕົວເຊື່ອມສໍາຄັນຂອງຕະຫຼາດ E-commerce ແລ້ວ ຍັງມີສ່ວນພັກດັນເສດຖະກິດຂອງ ສປປ ລາວ, ເສີມສ້າງລາຍໄດ້ໃຫ້ກັບຄົນລາວຈໍານວນຫຼາຍໃນແຕ່ລະເດືອນ ແລະ ເປົ້າໝາຍໃຫຍ່ຂອງ ບໍລິສັດ ຄືສ້າງວຽກເຮັດງານທໍາໃຫ້ຄົນລາວໃຫ້ໄດ້ 10.000 ຄົນ ພາຍໃນປີ 2025.
